തീ കൊണ്ട് കളിക്കുമ്പോൾ
സൂക്ഷിക്കുക
നിന്റെ സർവ്വ നാശത്തെ
അഗ്നി ശുദ്ധിയെന്ന
ഓമനപ്പേരിട്ടു വിളിക്കാൻ
എന്നും മിടുക്കിയാണവൾ
തിളങ്ങുന്ന
സ്വർണ്ണ വർണ്ണങ്ങളിൽ
കാറ്റിലാടിയുലഞ്ഞ്
നൃത്തം ചെയ്ത്,
ഉള്ളിലെ ഉഗ്രതാപത്തെ
ഒളിച്ച് വെച്ച ചിരിയാൽ
മാടി വിളിച്ച്
നിന്നെയവൾ എന്നും
മോഹിപ്പിച്ച് കൊണ്ടിരിക്കും
നിന്റെ പ്രണയ പദാർഥങ്ങളുടെ
ഏത് രൂപത്തെയും
തന്നിലേക്കാവാഹിച്ച്
കുടിച്ച് വറ്റിച്ച്
നിർവീര്യ , നിശ്ചലമാക്കുവാൻ
എന്നും പ്രാപ്തയാണവൾ
കൃത്യമായ അകലം സൂക്ഷിച്ചും
നോക്കിയും കണ്ടൂം
സ്വന്തം കാര്യത്തിനു മാത്രം
ഉപയോഗിച്ചും കൂടെ നിർത്തുക.
എങ്കിലും, മറക്കേണ്ട,
തീ കൊണ്ട് കളിക്കുമ്പോൾ
സൂക്ഷിക്കുക !!
No comments:
Post a Comment