മുറിവുകൾ...

ഓരോ മുറിവുകളും
ഓരോ ചുണ്ടുകളാണു..
വിതുമ്പലുകൾ മാത്രം അവശേഷിപ്പിച്ച്
ചോര കിനിയുന്ന
ആരും ഉമ്മ വെയ്ക്കാൻ മടിക്കുന്ന
ചുവന്ന ചുണ്ടുകൾ
ഉണങ്ങിയ ഓരോ മുറിവുകൾക്കും
ഓരോ കഥകൾ പറയുവാനുണ്ടാവും
കൂടി ചേർക്കപ്പെട്ട
മുറിവായകളിലേക്ക് വെറുതെയെങ്കിലും
സൂക്ഷിച്ച് നോക്കിയിട്ടുണ്ടോ
ചുണ്ടുകൾ ചേർത്തടച്ചിട്ടും
പുറത്തേക്ക് തെളിയുന്ന
നിർവികാരമായൊരു ചിരി പോൽ
ഉണങ്ങിയ മുറിവുകൾ എന്തെല്ലാമോ
നമ്മോട് നമുക്കറിയാത്ത ഭാഷയിൽ
പറയാൻ ശ്രമിച്ച് കൊണ്ടിരിക്കും.