ബലാൽ സംഗം ഒരു കലയാണത്രേ,
കാലവേദികളിൽ നിറഞ്ഞാടുന്ന
അനുഷ്ടാന കലയുടെ
പകരം വെക്കാനില്ലാത്ത അദ്വിതീയത.
ഒരിക്കലും നീച ഭംഗം വരാത്ത
ഗുഹ്യ മോഹങ്ങളുടെ അകമ്പടിയിൽ
ദ്രുത വിലംബിത താളമേളങ്ങളുടെ
കുതിര ശക്തിയിൽ വേട്ടക്കാരന്റെ
മനോധർമ്മം അതിരുകളില്ലാത്ത
സാധ്യതകൾ മാത്രം തേടുമ്പോൾ
ആക്രോശങ്ങൾക്കിടയിൽ
കുരുങ്ങി പുറത്ത് വരാത്ത
ഇരയുടെ പിടയുന്ന നിലവിളികളും
മത്സരത്തിന്ന് മാറ്റു കൂട്ടുമ്പോൾ
കാണികളെ അമ്പരപ്പിച്ചും
സംഗതികൾ ഇനിയും
പുറത്ത് വരാണുണ്ടെന്നും
അടുത്ത തവണ ഇതിലും നന്നാക്കണം
എന്നുമുള്ള ഉപദേശങ്ങൾ കൊടുക്കുന്ന
കറുത്ത കോട്ടിട്ട വിധികർത്താക്കളെ
വിസ്മയത്തുമ്പത്തിരുത്തിയും
ഇരയെ തൂക്കിയെടുത്ത്
അടുത്ത വേദി തേടി പോകുന്ന
വേട്ടക്കാരന്റെ ഒരിക്കലും തീരാത്ത
പകയുടെ മൃഗീയ കല
No comments:
Post a Comment